أبناء نرجس
تخيل معي قليلاً مشاجرة في أحد حواري أي حي شعبي وتخيل تلك الوجوه الدميمة كوجه أبو جهل في فيلم عربي حقير.
برغم أن الزمان والمكان يوحيان بكمية الفقر والتخلف المترعرع في معظم أبناء تلك الطبقة إلا أنك تسمع كلمة واحدة يرددها كلا الطرفين.
"أنا هاعرفك أنا مين"!!
تخيل معي "ميكروباص" يمارس هواية "الغرز" المحببة لنفوس السائقين ليحول السيارة الي "ميكروباظ" وليصطدم بصاحب العربية الملاكي الذي بدوره يؤكد للسائق انه "هيعرفه هو مين"!!
إنها النرجسية التي انطلقت كالكوليرا في نفسية أبناء الشعب المصري ، هو لا يستطيع أن يرفع عينيه في عيني أولاده لأنه يـُهان في طابور العيش وطابور المرتبات وطابور البنزين وأخيراً طابور المعاشات ومع ذلك تجد عنده أنفة وكبرياء لا أصل لهما بتاتاً.
لم أكن يوماً محللاً نفسياً ولكن الأمر لا يحتاج الي "فرويد"!! ، انه نوع من أنواع افراغ العواطف ، احساس المواطن بإهانته ليلاً نهاراً ، سراً وجهراً ، بدءاً من كلام المسئولين المضحك ضحكاً كالبكاء وحتي مرتبه الذي ينفذ سريعاً بعد أن أكله سـُعار الأسعار!!
تحول الشعب المصري إلي شعب نرجسي ولكن نرجسيته لا تخرج إلا علي من في نفس مستواه أو أقل.
وتحولت أنا الي مريض بالاضطهاد ولكن بالعكس فأنا من يضطهد الحكومة ويتهمها بكل شئ بدءاً من ثقب الأوزون وحتي الأزمة المالية العالمية!!
برغم أن الزمان والمكان يوحيان بكمية الفقر والتخلف المترعرع في معظم أبناء تلك الطبقة إلا أنك تسمع كلمة واحدة يرددها كلا الطرفين.
"أنا هاعرفك أنا مين"!!
تخيل معي "ميكروباص" يمارس هواية "الغرز" المحببة لنفوس السائقين ليحول السيارة الي "ميكروباظ" وليصطدم بصاحب العربية الملاكي الذي بدوره يؤكد للسائق انه "هيعرفه هو مين"!!
إنها النرجسية التي انطلقت كالكوليرا في نفسية أبناء الشعب المصري ، هو لا يستطيع أن يرفع عينيه في عيني أولاده لأنه يـُهان في طابور العيش وطابور المرتبات وطابور البنزين وأخيراً طابور المعاشات ومع ذلك تجد عنده أنفة وكبرياء لا أصل لهما بتاتاً.
لم أكن يوماً محللاً نفسياً ولكن الأمر لا يحتاج الي "فرويد"!! ، انه نوع من أنواع افراغ العواطف ، احساس المواطن بإهانته ليلاً نهاراً ، سراً وجهراً ، بدءاً من كلام المسئولين المضحك ضحكاً كالبكاء وحتي مرتبه الذي ينفذ سريعاً بعد أن أكله سـُعار الأسعار!!
تحول الشعب المصري إلي شعب نرجسي ولكن نرجسيته لا تخرج إلا علي من في نفس مستواه أو أقل.
وتحولت أنا الي مريض بالاضطهاد ولكن بالعكس فأنا من يضطهد الحكومة ويتهمها بكل شئ بدءاً من ثقب الأوزون وحتي الأزمة المالية العالمية!!
18 التعليقات:
شفت النوم في العسل يا مصري
معلش اسمحلي اختلف معك
دي مش نرجسيه ده تخلف منطقي وطبيعي
لما يبقى كل واحد شايف ان مفيش حاجه بتمشي في البلد دي من غير واسطه او كوسه او او او
يبقى الطبيعي من شعب اصبح تحت خط الجهل والفقر والتخلف تصرف زي ده
اصل صعب انك تلاقي مثلا استاذ جامعه او طبيب او غيرة بيقول الكلمه الحقيرة دي لانه فعلا هو عارف نفسه
عارف انه ملهوش مكان في البلد دي فبيحاول يحافظ على كرامته
نظرة تحليليه جميله منك لظاهرة موجوده
تقبل مروري
ابن اختي اسامة العزيز
تصدق بالله ..
ها تصدق ان شاء الله
انا بشوف الظاهرة دي من مده
بس مش شايفة تحليلها ولاد نرجس ولا أخواتها
انا شايفاها نظرة دونية لكل فئات المجتمع
الواحد مش حاسس بقيمة شخصية ليه فكل ما تكلم واحد او واحدة تلاقي كلمة فلان باشا يبقى جوز امي أو ابن ديك ابو اللي جابوا جوز خالتي
نظرة دونية للذات مع زيادة في حجم فيتامين كوسة وقرع
خناقة
تمسك الموبيل وانت تسب الطرف الآخر مرددا "انت متعرفش انا مين اصلا .. اصبر علي"
ثم تطلب رقم الله اعلم حقيقي او غير حقيقي .. وكأنك على اتصال مباشر بمجلس الوزراء او مجلس الشعب مثلا
ولك في فيديو بنت طبيب اسوان عبرة عن مدى ما وصلنا له من انحلال خلقي وتوخولوف عقلي
تحياتي بوست حلو حقيقي
مهو طبيعي ياعنى لما يكون متأكد انه الباشا ابن خالته والبه ابن عمت مرات ابوه ووووو هيظبطو الراجل ده وهيجملوا بعض على حسبو اعتقد انو الصورة اعمق من النرجسيه ولكن هى اقرب الى ال لى ظهر
تحياتى
اعتقد ان الموضوع اعمق من كده يا تماسا يجي بتاع 3 متر كده
في دولة كل مواطن بيمتهن علي مستويات
طبيعي
ان كل واحد يدور علي اللي اقل منه يطلع فيه الكبت ده
حتي لو بين 2 شحاتين
جزء من التمسك ببقايا صوت ممنوع تداوله
علي جزء من تسلسل نظرية الاستبداد
طبيعي لما يكون من فوق لتحت
امتهان للادمية والمواطنة
ان اللي تحت هايعمل نفس الشيء
طبقا لنظرية الاسفنجة
هاتبلها ميه هاتعصر مية
هاتغرقها استبداد وامتهان وقلة قيمة
هاتنزل نفس المادة
وطول ما عمرنا بنتصرف كده
هانفضل كده
لان نرجس لما بتطلق ولادها عالبني ادمين
مش هايفضل فيه سبب للتغيير
لانها بتخرج كل شحنة ممكن تغير حالة
وبتطلعها في صوت خناقة تطلع فالسما وتنزل مع المطر تسقي الأكثر من الامتهان
الاكثر من الخنوع
والاكثر والاكثر
من السلبية
وتلف الساقية من الاول
ايه اللي انا بقوله ده
مش عاجبك يعني
انت عارف انت بتكلم مين
طيييب انا هاعرفك انا مين
ثواني هاتي الموبايل من المشنة يا بت طه
:(
السلام عليكم
والله معاك حق ..... بس فى الاخر ادينا عايشين وفكك منهم .....
تحياتى
اسلوبك جميل جدا ولافت للنظر .يا ريت كتاباتك تتناول كل البلاوي اللي بتحصل في الشارع العربي بأكمله مش المصري بس.
عمي تشي
طبعاً شوفته
وفهمت قصدك
وربنا يستر
ههههههههههه
تحياتي
أسامة
ضايع
أهلا بك في زيارتك الأولي
طبعا مسمحولك تختلف معايا
بس انا شايف ان اختلافك معايا مش اختلاف علي قد ما هو تأكيد للي قولته انا بس بطريقة تانية.
معاك طبعا ان التخلف ده طبيعي وفي ناس كويسة مش هاتقول الكلام ده لأنهم عارفين قيمتهم الحقيقية.
بس انا مش قصدت المصريين كلهم وان كنت اقصد الطبقة الكادحة منهم تحديداً بناءاً علي مشاهدات.
نورت المدونة
أسامة
خالتي ستيتة
طبعا هاصدق
ده انتي اللي هتتكلمي مش اي حد.
انا قلت ان المواطن يبقي مذلول طول النهار وبالتالي بيخرج نفس الذل وعلي أسوأ كمان علي اللي أقل منه.
للأسف اللي قلتيه بيحصل وأسوأ كمان.
وشوفت الفيديو طبعاً
بس التهويل عليه كان زيادة عن اللزوم.
منورة ياخالة
أسامة
ماء تشرين
أهلا بيكي في مدونتي المتواضعة.
المشكلة الكبيرة ان اللي مش مسنود بيتكلم برضه وهو اساسا مقضيها بالستر زي العبد لله كده.
بس برضه بيتنطط بس مش زيي.
هههههههههه
منورة
أسامة
سوبيا
أختي الصغننة
ايه الكلام الكبير ده؟؟
ده انتي تنفعي وزيرة علي كده
والله ما عارف ارد اقول ايه
تاني مرة تخرسيني الأسبوع ده
ماشي ياسوبيا
بس عجبتني نظرية الاسفنجة دي
هاقتبسها منك
منورة
أسامة
ميرو انتكة
طبعا عايشين
ومش هانموت وهافكي منهم
بس اهي ظاهرة وبنتكلم عليها
تحياتي
أسامة
Dr/F
أخجلتم تواضعنا والله
وان شاء الله نكتب عن الشارع العربي كله.
منورة والله
تحياتي
أسامة
شفتني
وانا عاقلة
افتكر اللحظه دي جدا
وترخها كمان
مش هاتشوفها تاني
سوبيا
طبعاً شوفتك وانتي عاقلة
وده شئ نادر الحدوث
وربنا ييسر ونشوفه تاني
أسامة
شعب غريييييييييييييييب
بطل طمع
تحليلك فيه كتير من الصح
بس الناس هتعمل اية
عمال تاخد على دماغك من كل الناس من اول طويل العمر يطول عمرة ويزهزة عصرة لغاية الراجل الابيجى ياخد الزبالة وبيبلطج عليك لو مظرفتوش المعلوم
يعنى تحس ان كله عايز يطلع الكبت ده بقى فى اى بنى ادم
وطبعا لازم يكون حد اقل منة :D
ودايرة بقى شغاله كلة مطلع عين كله
سلااااااااااااام
إرسال تعليق