المدونات 3
بعد التثاؤب والنهوض من نوم عميق ابتعاداً عن التدوين أعود لأتكلم عن التدوين...لقد صدعت أدمغة سيادتكم من قبل عن كلام عن المدونات بوجه عام ثم بالكلام عن بعض أنواع من المدونات وعن توجهاتها التدوينية.
اليوم نسطر كلمات عن أطوار المدّون المصري.
أي تشابه بين ما اكتب وبين اي مدّون هو عن طريق العمد اي مع السبق الاصرار والترصد وباب المناقشة مفتوح.
البداية
اما ان يضع المدّون نصب عينيه مشاكله الشخصية ويتكلم عنها بخصوصية شديدة وأنا أكره ذلك وبشدة.
أو يتكلم عن وضع عام ساباً لاعناً "سنسفيل" الحكومة والحزب الحاكم ويحاول بشتي الطرق أن يـُسهِب ويـُطنِب في اخبار أكلت عليها الجرائد وشربت.
واما هو شخص يكتب بحكمة أو يكتب كلمات تتعلق بالأدب وهناك من المدونات ما أندهش لكونها لم تصبح مقالاتها كتباً بعد لتحقق أعلي المبيعات!!
في البداية أيضاً يعتصر المدّون خلاياه الرمادية ليحصل علي كلمات مقعرة ليثبت كونه قارئ جيد لكل ما يسطره الأدباء في كتبهم،وهناك للأسف من يأتي بالأخبار و(يبستفها) علي طريقته وكأنه هو من كتبه.
واما انه عبقري ويستطيع الكتابة في أي شئ وله من الآراء العبقرية ما لأجلها نخلع لأجلها القبعة كما يقول الانجليز.
المنتصف
يعاني المدّون في تلك الفترة من الجفاف، اما جفاف اخباري لهواة المصائب الاخبارية وفي تلك الفترة يبدأ المّدون في كتابة الهراء والاسفاف - كما أفعل الأن - وقد يحزن ويضرب الأرض بقدمه لأن التعليقات أصبحت ضعيفة.
أو الجفاف الأدبي وهذا لا سبيل لحله علي أية حال سوي الابتعاد قليلاً والعودة بهدوء - ولا أقصد نفسي طبعاً - ومعظمهم يرجع عن قراره بسبب دعم المدونين.
النهايـــة
بعد مرور عام من التدوين يفكر المدّون المصري بترك التدوين!!...لماذا؟؟...حقاً لا أدري.
أحياناً يتوقف عن التدوين ناس أظنهم رائعين علي الأقل أدبياً ومن أجل هؤلاء تقام المجموعات - الجروب - علي الفيس بوك وتنقلب الدنيا لأجلهم،وهناك من يتوقف عن التدوين ولا أحد يذكره فكيف بالمرء يذكر شخص لم يترك أي بصمة داخل قرّاء مدونته.
ملحوظة أخيرة:
أرجو الدعاء لأبنة المدون اسلام صاحب مدونة "الله..الوطن..أم الخلول".
سعيد بشدة لعودة أبو التدوين "أبو خالد" وان كنت حزنت علي حذفه لما كتب من قبل.
أرجو من "عرفة" الهدوء في أخذ قرار ترك التدوين فهو بذرة طيبة لأديب قادم.
اليوم نسطر كلمات عن أطوار المدّون المصري.
أي تشابه بين ما اكتب وبين اي مدّون هو عن طريق العمد اي مع السبق الاصرار والترصد وباب المناقشة مفتوح.
البداية
اما ان يضع المدّون نصب عينيه مشاكله الشخصية ويتكلم عنها بخصوصية شديدة وأنا أكره ذلك وبشدة.
أو يتكلم عن وضع عام ساباً لاعناً "سنسفيل" الحكومة والحزب الحاكم ويحاول بشتي الطرق أن يـُسهِب ويـُطنِب في اخبار أكلت عليها الجرائد وشربت.
واما هو شخص يكتب بحكمة أو يكتب كلمات تتعلق بالأدب وهناك من المدونات ما أندهش لكونها لم تصبح مقالاتها كتباً بعد لتحقق أعلي المبيعات!!
في البداية أيضاً يعتصر المدّون خلاياه الرمادية ليحصل علي كلمات مقعرة ليثبت كونه قارئ جيد لكل ما يسطره الأدباء في كتبهم،وهناك للأسف من يأتي بالأخبار و(يبستفها) علي طريقته وكأنه هو من كتبه.
واما انه عبقري ويستطيع الكتابة في أي شئ وله من الآراء العبقرية ما لأجلها نخلع لأجلها القبعة كما يقول الانجليز.
المنتصف
يعاني المدّون في تلك الفترة من الجفاف، اما جفاف اخباري لهواة المصائب الاخبارية وفي تلك الفترة يبدأ المّدون في كتابة الهراء والاسفاف - كما أفعل الأن - وقد يحزن ويضرب الأرض بقدمه لأن التعليقات أصبحت ضعيفة.
أو الجفاف الأدبي وهذا لا سبيل لحله علي أية حال سوي الابتعاد قليلاً والعودة بهدوء - ولا أقصد نفسي طبعاً - ومعظمهم يرجع عن قراره بسبب دعم المدونين.
النهايـــة
بعد مرور عام من التدوين يفكر المدّون المصري بترك التدوين!!...لماذا؟؟...حقاً لا أدري.
أحياناً يتوقف عن التدوين ناس أظنهم رائعين علي الأقل أدبياً ومن أجل هؤلاء تقام المجموعات - الجروب - علي الفيس بوك وتنقلب الدنيا لأجلهم،وهناك من يتوقف عن التدوين ولا أحد يذكره فكيف بالمرء يذكر شخص لم يترك أي بصمة داخل قرّاء مدونته.
ملحوظة أخيرة:
أرجو الدعاء لأبنة المدون اسلام صاحب مدونة "الله..الوطن..أم الخلول".
سعيد بشدة لعودة أبو التدوين "أبو خالد" وان كنت حزنت علي حذفه لما كتب من قبل.
أرجو من "عرفة" الهدوء في أخذ قرار ترك التدوين فهو بذرة طيبة لأديب قادم.
45 التعليقات:
السلام عليكم ورحمة الله وبركاته
كلام في محله فعلا واعتقد ان كتير اوي مروا بمرحله او اتنين من اللي اتكلمت عنهم دول ويمكن اكون واحده منهم
يارب يشفي ملك ويطمن اهلها عليها ،
فرحت اوي لما عرفت خبر عودة ابو خالد للتدوين
اما عرفه فاللاسف انا اول مره اسمع عن مدونته بس خساره انه يكون كويس ويفكر يسيب التدوين
سلام
أخى أسامة
بداية أشكرك على أحساسك الرائع تجاه أخوتك المدونين
ثانيا لم أقل إننى سأترك التوين ولكننى سأترك الكتابة ربما لفترة وربما دوما
وشئ آخر أنا أكثر من يتضايق بسرد المشاكل الشخصية ولكننى أفعل ذلك رغبة منى فى التنفيس عن نفسى وأيجاد حلول كما أننى أحب جدااا أن أعبر عن نفسى بالكلمات
وأشكرك على أطراءك
تحيتى
ازيك يا اسامة
عامل اية
بص كل واحد فى فكرة او مجموعه افكار ممكن تأثر على كتاباتة
ودى بيكون سببها انشغالة او اغرقاه فيها بشكل كامل
وبعدين بيحس انه عبر عن ما بداخلة واما يستمر او يعتزل
يعنى تفريغ او تنفيس مؤقت عن ما بداخلنا من افكار
يارب اشفى مالك
ومرضى المسلمين
اسامة انا اللى جبت عرفة
يقرأ جايز يفكها بقى
هههههههه
اخيرا ظهرت التدوينة للنور
حمد الله على سلامة الوصول
الحقيقة كلامك في محله هذه المرة ايضا
وعن نفسي مررت بمراحل مما ذكرت ولكني عندما ابتعد لفترات قد تطول او تقصر حسب الاحوال المصاحبة لااكتب تدوينة للغياب ولا للرجوع
اغيب واعود فقط
وحتى غيابي لايكون غيابا كاملا لاني اتابع واعلق متى وجدت لتعليقي مكان
وبالمناسبة انا أدون منذ مايقارب الثلاث اعوام او يزيد قليلا لان لي مدونة اخرى بدأت الكتابة فيها وتعاني الآن من إهمالي الشديد لها.
كما أن لي مدونات اخرى أخفيتها لتكرار اهمالي لها وغيابي فترة عن التدوين رجعت بعدها بأفكاري المبعثرة.
وربنا يشفي ملك وتعود البسمة لشفاه ابيها وأمها
وتحياتي لك على هذه التدوينة الرائعة كعادة تدويناتك وعلى تعاطفك مع آلام الآخرين فالمرء بإخوانه.
تحياتي
دكتورة فضفضة
معظم المدونين بيمروا بالمراحل دي.
لأن معظمهم بيبقي اخباري شوية.
اكتر منه بيكتب مقالات رأي.
تحياتي
أسامة
أخي عرفة
اخجلني اطراءك جداً.
طب انت قلت وربما دوما ده مش معناه انك هاتترك التدوين أو الكتابة علي بعضها.
انت من نوع لو بطل يكتب هايحصلو حاجة.
هناك من يتكلم عن مشكلة خاصة ليحيلها الي مشكلة الجميع يتعرض لها ويبدأ في وضع حلول لها.
وهناك من المدونات التي تتكلم عن التنمية البشرية فيبدأ الموضوع بحديث عن مشكلة ما غالباً تكون شخصية.
ولكني أكره أشياء من طراز وبابا قال وماما قالت واخويا الرفيع قال.....
نورت المدونة
أسامة
نهر الحب
عايز اسميكي نهر الخير يا ايناس.
طبعاً لكل مدون كاتب ما يتأثر به ويكتب من تحت رداءه حتي يصبح له أسلوب وحده.
ولكني أعرف مدونين لا يقرأون حرفاً واحداً لأي كاتب وتسأليه عن محمود السعدني أو فهمي هويدي فيصمت كالقبور.
شكراً انك جبتي عرفة هنا وان كنت مـُصر ان هيرجع عن قراره بعد فترة راحة.
تحياتي الشديدة
أسامة
بيلا
والله كل ما أجي أكتب في موضوع المدونات ده افتكرك علي طول.
لأنك قلتي انك كنتي عايزة تكتبي فيه.
هناك من المدونين من يعمل فرح ويدبح عجلين لأنه والحمد لله رجع للتدوين!!
أفكار مبعثرة مدونة جديرة بالاحترام وقلمك رائع جداً.
أعجبتني مقالة أدوار ريادية بشدة وخاصة انها كانت مصاحبة لمقالة جو غانم المشابهة لها ولكن بأسلوب أكثر سخرية.
نرجو عودة قلمك قريباً
والله الموفق.
تحياتي
أسامة
حمدا لله على سلامتك ياخبرة التدوين
بالنسبة لانواع المدونين
و اتجاهاتهم
مش انا و انت الي نقعد نتكلم عنها
لان لكل واحد حريته الشخصية في الي يكتبه
و اظن انه احد ارائك
ان المدونة دي بتاعتي اعمل فيها الي انا عاوزه
و محدش له عندي حاجة
ربما يكون ده المعني الي انا سمعته و ربما يكون معني غيره كنت تقصده
بس اعتقد انه طالما كدة
يبقي بلاش نحدف كلام علي ناس هم شايفين وجهة نظرهم صح
كل واحد بيعمل الي هو شايفه من وجهة نظره صح مش الي الناس التانيين شايفينه صح
و بالنسبة لملك ربنا يشفيها و يقومها بالسلامة
و بالنسبة لاي حد رجع من قرار ترك التدوين
مكسب لينا كلنا طبعا
و بالنسبة لعرفة
كتاباتك كويسة ياريت متسيبناش و تمشي
تحياتي
محمد
أخي تشي
"خبرة التدوين" مرة واحدة.
ياسيدي أخجلت تواضعنا.
بس انا ولا خبرة ولا يحزنون.
ده مجرد رأي بسيط فيه شوية تعنيف قصدتهم.
تحياتي للساخر العظيم
أسامة
محمد ابراهيم
طبعاً ده رأيي الأزلي والأبدي والسرمدي ان كل واحد حر في مدونته يكتب فيها اللي هو عايزه.
لكن مايجيش بعد كده المدّون العبقري الهمام الذي يكتب التفاهات ليدخل علي المدونين طالباً أن يزوره ليُعلقوا علي هراء ما كتبه.
نسبة قليلة جدا من تفعل ذلك والحمد لله.
"نحدف كلام" والله كويس انك شايف ان اللي انا كتبته حدف كلام مع اني شايفه عرض لوجهة نظري وانا قلت ان الموضوع قابل للمناقشة مش للجدال لو تدرك المعني بين المعنيين.
أسامة
فعلا عندك حق يااسامه
التدوين اوراقه يوم بعد لاتانى بتدبل
وتتساقط ودة شئ مزعلنى اوى بجد
مشس عارفه ليه كل حاجه تبدا قوية وجميله
تتهد بسهولة اوى كدة
تحياتى لكلامك ياعمنا
..
مواجهات
أهلا بكِ في مدونتي الملك.
زي ما بيقول الصباغ.
هو كل ما في الموضوع ان المدونين الجدد بقي ليهم آراء عجيبة.
دعنا طبعاً من اللغة اللي ماتت واتمحت تماما.
أينعم أنا مش الخليل بن احمد بس اهو باحاول.
هو ان شاء الله مش هينهد.
بس اتمني انه يطور.
يعني زيك كده.
مدونة ثم صحفية وبدون قر ولا حسد.
ربنا يحميكي يارب.
تحياتي
أسامة
طبعا لو كان التعبير _ حدف كلام ضايقك _ انا اسف
بس كلمة عن اصرار و ترصد اظن انها تكشف ان البوست موجه لمجموعة من الناس
و بالنسبة للمدون العبقري الي انت بتتكلم عنه ايا كان
هو حر في انه يعلن عن نفسه
و لو فضلنا نقول عن كلامه انه تفاهات
عمره ما هيتطور
و علي اساس انه عمرنا مكتبنا تفاهة واحدة في حياتنا
برجاء تعامل الناس التافهين دول بشوية من التشجيع
لانه لو فضلنا نقولهم يا تافهين
عمرهم ما هيتطوروا علي الاطلاق و يبقوا جادين
تحياتي
محمد
محمد ابراهيم
المدون العبقري عمره ما هيتطور
ليه؟
لأنه الكتابة موهبة.
طبعاً لا أدعي اني بلزاك!!
ولكن التدوين جعل كل من هب ودب يكتب وكأنه والحمد لله ان هناك شئ اسمه التدوين ليصل أدبه للناس!!
ثم انت متضايق اوي كده ليه؟؟
هو انت تعرف حد كده؟
أسامة
هب و دب ؟
علي اساس اننا مكناش في يوم من الايام من النوعية الي بتعبر عنها بكلمة هب و دب و مكناش نعرف حاجة اسمها تدوين اساسا
و بعدين مين قالك انه عمره مهيتطور ؟
بتنجم و لا ربنا ادالك علم الغيب ؟
ام انت من العالمين ببواطن الامور علي رأي خيخة ؟
و بعدين مين قالك اني متضايق ؟
هو في حاجة في كلامي تبين اني متضايق ؟
عجايب و الله
تحياتي
محمد
اسالك سؤال محرج ولو كدبت هعلق على باب بلوج سبوت
صنفتنى فين فى النهايه هههههههه
على فكره الشهر الجاى هيبقى بقالى سنه وبرضه قعده على انفاسكوا
محمد ابراهيم
لتاني مرة تحصل لخبطة عندك بين ان الواحد يعرف التدوين وانه بيكتب قبل كده.
ثم اني الحقيقة كا كنتش هب ودب والحمد لله لو كنت انت كده انت حر.
مفيش داعي للتجميع.
لست من العالمين ببواطن الأمور وللمرة الخمسين ألف أنا باقول دي وجهة نظري والموضوع مفتوح للنقاش.
يعني تعرض وجهة نظرك وتقدم دليل علي صحتها عشان نوصل لرأي صحيح في الآخر.
وأنا مـُصر انك مش متضايق بس ده انت بتنفخ ودمك كله في دماغك.مجرد اصرار.
أسامة
آبي هانم
والله السؤال مش محرج ولا حاجة.
انتي حاجة لوحدك كده.
يعني بتكتبي اللي بيجي في بالك.
ساعات بتبقي أمور حساسة لكن اللي بيعلق عندك بيناقش الباقي.
وعادة ما بتقوم معارك في التعليقات عندك.
وياستي كل سنة وانتي طيبة علي قرابة مرور سنة.
وخليكي قاعدة.
تحياتي
أسامة
وأنا مـُصر انك مش متضايق بس ده انت بتنفخ ودمك كله في دماغك.مجرد اصرار.
ههههههههههههههههههههه
ماشي يعم انت و دماغك
سلام
واما هو شخص يكتب بحكمة أو يكتب كلمات تتعلق بالأدب وهناك من المدونات ما أندهش لكونها لم تصبح مقالاتها كتباً بعد لتحقق أعلي المبيعات!!
و الي مستغربله اكتر منك و الله
ليه مقالات مدونتك مبقتش كتب تحقق مبيعات ؟
مع انك بتكتب من قبل التدوين بسم الله ما شاء الله
بص يا اسامة انا شايف ان التدوين مساحة شخصية جدا كل واحد حر يكتب فيها اللي هو عايزه حتى لوكانت اشياء شخصية جدا انا ممكن اعترض على كدة بس مش من حقي اقول له انت بتعمل كدة ليه لأن دي مساحته وهو حر فيها
كمان مش عيب انه يحاول يظهر ثقافته او لغته المختلفة طالما في ناس معجبين بكدة يبقي كل واحد حر في مدونته
ارجو منك يا اخي ان تتقبل رأيي
وتحياتي لك ودمت بكل الخير
محمد ابراهيم
مقالات مدونتي ما بقتش كتب لسبب بسيط لأن مفيش مقلات بتتعمل كتب في مصر الا لكتاب كبار.
وانا والله متقبل رأيك وباحاول اتكلم بهدوء لكن انت مصر علي انه جدال ليه مش فاهم.والدليل انك علقت مرتين وكأنك مش عارف تقول ايه.
للمرة المليون رأيك أنا احترمه بشدة ولكن لا داعي لكل هذا الصياح واللعاب المتطاير.
ولو مش عجباك مقالاتي ياسيدي ياتخش تعلق وتقول انا غلطان في ايه بهدوء وياريت تتطلع انت صح ويبقي انا استفدت يا متخشش المدونة أساسا ودي مش دعوة للطرد بتاتاً
أخي مصطفي.
أولا انت عامل ايه؟؟
ثانياً أنا موافقك تماما في كلامك انا بس بقول رأيي في موضوع المدونات الشخصية.
وكل واحد حر في مساحته زي ما انت قلت.
انا مش معترض تماما انه يظهر لغته وثقافته في كتاباته وان كنت فهمت حاجة غير كده من التدوينة فأكيد ده خطأ مني اعتذر عنه.
شكراً للنقاش الهادئ ياصديقي.
تحياتي
أسامة
لعاب متطاير و صياح .... كل ده و بتتكلم بهدوء ؟
و كل ده و و انا مش عارف اقول ايه
لا و علي ايه يا سيدي
انا قلت رأيي و خلاص
تفهمه بقي زي ما تفهمه
لعاب متطاير بقي او لعاب بيتمشي شوية
بيس عليا انا كدة اهم حاجة قلت الي يرضيني
سلااااااااااااااااام
محمد ابراهيم
لو ركزت شوية كنت عرفت اني أقصدك انت باللعاب والصياح مش أنا!!
وعلي فكرة مفيش لعاب بيتمشي!!
وبيس عليك ياسيدي.
أسامة
الله ينور يا اسامه
كلامك فعلا قريب كتير من الواقع
ربنا يسترها ويكرمنا بأفعالنا
ويجعلها لنا لا علينا
دكتور حر
ياأهلا ياأهلا
كيف حال الدكتور؟؟
والله اشتاقنا ليك.
عارف اني مقصر معلش.
انا سعيد ان سيادتك متفق مع كلامي.
واللهم اجعلها لنا لا علينا.
تحياتي
أسامة
أيوه يا أوس عندك حق انا فى تدونتى الخامسه والعشرين بعد المائه التاشعه اتزنقت هذا المزنأ وان الافكار تلاشت وتبخرت ومقدرتش اكثفها واكتب حاجه
وورقه وقلم بقى واكتب الاقوال المكسوره اللى ذكرت انفا واخد بالك ياله
شكرا سيدى المواطن
غير معروف
اللي أنا عارفه
طول عمرك صاحب أقوال مكسورة والله.
بس تدوينتك الكتير مش واسعة شوية.
ومزنأ وبتاع ايه ياعصفور.
ماشي ياسيدي
داخل تلطف الجو...مفيش مانع
أسامة
اه بتهيألي التدوين زيو زي امور كتير في حياتي ..
ببدأها بحماسة شديدة وبعدين بتقل شوية شوية
السلام عليكم
متزعلش مني يا اسامه لأني فعلا مقصر
لكن و الله انه غصب عني
انت حللت حياة المدون بواقعيه
لكني اختلف معك قليلا في جزء بسيط
فأنا ارى ان للمدون الحق في الكلام عن مشاكله الشخصيه
قد تكون المدونه متنفسه الوحيد
و انا اعتبر المدونه بيت المدون
له الحق في التعبير فيها كيفما شاء
و لنا مطلق الحرية في الاختلاف معه او تأييده
لتاني مره بقولك متزعلش مني
تحياتي
علا
أهلاً بإبنة غزة
هو تقدري تقولي ان كل حياتنا كده.
الحماس في البداية والفتور في المنتصف والبرود في التعامل مع النهاية.
اللهم ارزقنا الهمة يارب.
شدي حيلك في دراستك
وربنا يوفقك.
تحياتي
أسامة
الشاعر عدنـــان
ياسيدي والله مازعلان.
وربنا يعينك يارب
أنا معاك ياشاعرنا بس لما تكون مشاكل ليها أهمية.
مش بابا ضربني واختي قرصتني وصدقني انا شفت زي كده بعيني.
المدونة بتاعتك ياعدنان وتقول اللي انت عايزه.
تحياتي
أسامة
الي متعرفهوش
في البدايه أقدم أسفي لعدم تعليقي
منذ وقت .
ثانيااا أبدي إعجابي بالموضوع وما كتبت به وتصنيفك للتتدوين الذي على ما اعتقد انه شمل ولو بشكل مرضي انواع المدونات والمدونين.
ولكن ما لم يعجبني هو جعل صفحه التعليقات ساحه للنقد غير البناء ولم أقل أن هذا من جانبك و لاكني فقط أبدي تعجبي لهذا الحوار الغريب.
واعتقد أن مقالاتك لو عرضت في الجرائد أو تحولت كتباا ستجد شعبيه ليس بالسيئه لما تجد بها من كلمات تصف الواقع كما يريد اي شخص ان يعبر عنه او بالاحرى تصف ما يلوج بالصدور.
غير معروف
واللي أتمني أعرفه
لا داعي للأسف المدونة مدونتك وتيجي في أي وقت.
بس يارب يكون المانع خير.
شكراً لاطراءك الذي أخجلني.
حاولت أن أجعل الحوار بنّاء ولكن فشلت.
وشكراً علي تلك الثقة التي أتمني أن أكون عندك حسن ظنك بقدرها.
تحياتي اليك أيها المجهول
أسامة
أخي العزيز أسامة
طبعاً بعتذر عن غيابي الفترة اللي فاتت بسبب ضغوط الشغل شوية وده كان غصب عني
واسعدني جدا دوام التواصل بينا
---------
طبعاً موضوعك هايل وفي محله تماماً وفي مدونين كتير بيقعوا في السكة وحصل كتير في الفترة اللي فاتت حاجات من دي كتير
وفي كمان مدونات جيدة وأخرى أقل من ذلك ـ ولا أستثني نفسي من بينهم ـ لكن مع الوقت تبقى الأقلام القوية القيمة ولها قرائها الذين يتابعونها باستمرار
وافتكر أن بعد كام سنة مش كتير أوووي يعني هيكون في جيل كامل من الكتاب خرج من تحت مظلة التدوين
ومعلش أنا الكلام أخدني وطولت شوية
بس بيني وبينك .. وحشني الرغي معاك
تقبل تحياتي
وليد
أخي وليد
ياسيدي انا ليا الشرف اني بازور مدونتك واستفيد منها.
وانت تيجي في اي وقت،وربنا يعينك يارب.
ان شاء الله يبقي في جيل كامل من الكتاب اصلهم مدونين وبكده يبقي ظهر القلم الحقيقي من القلم اللي بيدعي انه موهوب.
طب ياريت تطول عن كده كمان
والله كلامك زي الفل
تحياتي
أسامة
السلام عليكم
أسامة
أعلم أن ليس لى الحق بالتعليق على هذا المقال حيث أنه يخص المدون وأنا لست منهم,
ولكن أحببت ان اخبرك اذا كنت انت ف المنتصف وهذا هو الجفاف فما هو الفيضان بالنسبه اليك؟؟!
انت لا تكتب اسفاف او هراء والا ماكان لك من قراء او حتى مجرد زوار.
أعلم انك ربما تأخذ كلامى أنه مجامله ولكن لك ان تعلم انى ممن يمقتوها مقتا.
تحياتى
سلوي
سلوي
رفيقة الكفاح التعليمي
والله كلامك أخجلني.
أنا عارف انك ما بتجامليش.
ويارب أكون دايما عند حسن ظنك ان شاء الله.
أسامة
أسامة
فى الحقيقة كنت فقط سأترك الكتابة
ولكننى عدلت عن ذلك وقررت الأ أكتب الا فى القضايا التى على الساحة وأترك البكاء على الذات
شكرا لسؤالك الدائم
تحيتى
أسامة
ازيك
نمرتك للأسف ضاعت منى وده غلطى
غيرتك اكتر من تليفون وأخدت فترة مش معايا تليفون أصلا ومكنتش كتبتها
ياريت لو معاك نمرتى كلمنى
أو ابعتلى نمرتك على الاميل
arafa_farouk@yahoo.com
تحيتى
أخي عرفة
تسرنا عودتك.
وسؤالي عليك واجب علي اتجاه كل من عرفتهم يوماً ما.
سجلت ايميلك عندي
وارسلت اليك التليفون فيه.
وربنا يسهل ان شاء الله.
تحياتي
أسامة
إرسال تعليق